Giele Songtext

von Stiller Has

Worum geht es in dem Song?

Der Songtext "Giele" von "Stiller Has" handelt von drei Jungs, die zusammen waren, aber unterschiedliche Lebenswege eing...

Es sy emal drei Giele gsy
Der eint, der ander u dise
Die sy zäme gsy bim wysse Wy
Der eint, der ander u dise
Der eint schafft hütt bir SKA*
Gottseidank hei wenigstens die ne gnoh
Der ander, dä het Droge gnoh
Sech die besti Zyt id Vene gloh
U diese, dä füehlt sech bschisse
Gäng muess er Blueme giesse
Will är isch Sigerist u Christ
Will är isch Sigerist u Christ

Ii, sy das Giele gsii
Ii, hei die s düreggäh
Hei, das sy Zyte gsii
Ii, het das gfägt

(nei, säg nüt, Fräne, s het gfägt, gfägt hets)

Hei Giele, syt der o derbii
Seit der eint zum andere u disem
Itz nähmer no e Gutter Wy
Seit der eint zum andere u disem
Hei, säg öppis, Rölu, chumm pfuus nid ii
Der Sigerist, dä giesst Gleser ii
Halt d Schnure, Fräne, du, süsch brätschen I grad drii
Frölein, no e Gutter Wy!
Frölein, no e Gutter Wy!

Ii, sy das Giele gsii...

Ii, die Zytte göh so schnäll verbii
Seit der eint zum andere u disem
Itz nähmer no es Kilo Wy
Seit der eint zum andere u disem
Em einte isch grad die alti druus
Der ander isch riif für z Irrehuus
U dise wott sech erschiesse
Gäng muess er Blueme giesse
Bis d Granium rundum spriesse
Nie het er Zyt zum bätte
Immer muess er jätte
Nie het er Zyt zum bätte
Immer muess er jätte

Ii, sy das Giele gsii...